БІЛІМ БЕРУ ҰЙЫМДАРЫНА ӘДІСТЕМЕЛІК КӨМЕК КӨРСЕТІЛУДЕ

• 11 қараша 2021
• Оқылған саны: 2124

Маңғыстау облысының білім басқармасының 2021 жылғы 9 қарашадағы №115-нқ бұйрығына сәйкес, ағымдағы жылдың 9-11 қараша күндері "Арнаулы білім беру ұйымы" КММ және Ақтау қаласындағы білім беру ұйымдарына оқу-әдістемелік көмек жұмыстары ұйымдастырылды. Арнаулы білім беру ұйымының педагог-психологы мен тәрбие жөніндегі орынбасарына мінезінде қиындық туғызатын балалармен жұмыс түрлеріне психологиялық талдау жасауда әдістемелік көмек беру мақсатында құрылған жұмыс тобы жұмыс кестесіне сәйкес білім беру ұйымдарына өз тәжірибелерімен бөлісуде.

Білім берудің оқу-әдістемелік орталығының әдіскері Ғ. Қойтанова "Педагог-психологтың қызметін нормативтік реттеу" тақырыбында құжаттамалармен таныстырды.

Тәрбие бөлімінің әдіскері Ф. Курмашева кәсіптік және техникалық білім беру ұйымдарындағы құқықбұзушылықтың алдын алуда жүргізілетін профилактикалық шаралар бойынша көмек көрсетті.

Мұнайлы ауданы, №6 ЖББМ директорының тәрбие жөніндегі орынбасары С. Каракулов - ДТЖО жұмысында балалармен жүргізілетін жұмыстардың түрлі әдіс-тәсілдерімен бөлісуде.