География пәні мұғалімдеріне арналған облыстық семинар өтті.

• 4 ақпан 2023
• Оқылған саны: 14069

2023 жылдың 03 ақпан күні Білім берудің оқу-әдістемелік орталығының жоспарына сәйкес, Ақтау қаласы №9 жалпы білім беретін мектебінде цифрлық әдіс-тәсілдерді ұсыну арқылы педагогтардың кәсіби шеберлігін шыңдау, әдістемелік деңгейін жетілдіру мақсатында «География сабақтарында шығармашылық жұмыстарды қолданудың цифрлық тәсілі» тақырыбында география пәні мұғалімдеріне арналған облыстық семинар өтті. Семинарға 40-тан астам педагог қатысып, 4 спикер өз іс-тәжірибелерімен бөлісті. Атап айтқанда:

️Қаржаубаева Нұржамал Исанқызы, Мұнайлы ауданы, №6 жббм география пәні мұғалімі - «Excel Map бағдарламасы арқылы география сабағында картограмма және картодиаграмма жасау»;

️Досекен Нұрберген Бегалыұлы, Түпқараған ауданы, Ақшұқыр мектеп-лицейі география пәні мұғалімі - «География пәніне кіріктірілген "Өлкетану" курсын игерудің цифрлық әдіс-тәсілдері»;

️Кереева Мадина Оңайбайқызы, Мұнайлы ауданы, №9 жббм география пәні мұғалімі - «Жерсеріктік онлайн картада Қазақстанның географиялық орнын анықтау»;

️Мақсымова Ақтолқын, Ақтау қаласы, IT мектеп-лицейі география пәні мұғалімі - «Гаж-ды география пәнінде қолданудың цифрлық әдісі»;

Серікқали Бекарыс Төлегенұлы – География пәнінің 2023 жылға қауымдастық жоспарымен таныстырып, мақсат-міндеттері мен күтілетін нәтижелері айқындалды.

Қорытындысында, қатысушылар кері байланыс жасап, өзара тәжірибе алмасты. Спикерлер мен ұйымдастырушыларға әдістемелік жұмыстар бойынша ұсыныстарын айтып, ризашылықтарын білдірді.