КОЛЛЕДЖ СТУДЕНТТЕРІ КӘСІБИ ШЕБЕРЛІК ЧЕМПИОНАТЫНДА БАҚ СЫНАУДА

• 23 қараша 2023
• Оқылған саны: 13282

Ел ордасы Астана қаласында "WorldSkills Kazakhstan - 2023" республикалық чемпионаты өтіп жатыр.

Чемпионатқа өңіріміздегі техникалық және кәсіптік, орта білімнен кейінгі білім беру ұйымдарының талантты жастары қатысуда. 3 күнге созылатын аталмыш байқауда 32 студент 30 құзыреттілік бойынша бақ сынайды.

Кеше 22 қараша күні республикалық чемпионаттың салтанатты ашылу рәсімі өтті. Оған Оқу-ағарту министрінің бірінші орынбасары Наталья Жұмаділдаева қатысып, жастарға сәттілік тіледі.

Үздік тәжірибелер мен кәсіби стандарттарды енгізу, техникалық және кәсіптік білім беру жүйесінде сараптамалық қоғамдастықты дамыту мақсатында өтіп жатқан чемпионаттың жеңімпаздары 2024 жылғы 10-15 қыркүйек аралығында Францияның Лион қаласында өтетін WorldSkills халықаралық чемпионатына қатысуға мүмкіндік алады.

Қатысушыларға сәттілік тілейміз.