Математика пәні мұғалімдеріне арналған облыстық семинар өтті

• 6 қаңтар 2023
• Оқылған саны: 12986

Математика пәні мұғалімдеріне арналған облыстық семинар өтті

2023 жылдың 5-6 қаңтар күндері Білім берудің оқу-әдістемелік орталығының 2023 жылға арналған жоспарына сәйкес, Ақтау қаласы №13 гимназиясында оқушыларды олимпиадаға дайындауда ізденістерін жетілдіру мақсатында «Олимпиада есептерін шығарудың ұтымды жолдары», «ҰБТ-дағы математика есептерін шешудің тиімді тәсілдері» тақырыптарында математика пәні мұғалімдеріне арналған облыстық семинар өтті.

Семинарға облыстың жалпы білім беру ұйымдарынан 72 математика пәні мұғалімі қатысты. Семинарда республикалық, халықаралық деңгейде жеңімпаз атанып жүрген мұғалімдер өз іс - тәжірибелерімен бөлісті.

Қорытындысында, қатысушылар өзара тәжірибе алмаса отырып, оқу процесіне қатысты бірнеше сұрақтарына жауап алды. Спикерлер мен ұйымдастырушыларға әдістемелік жұмыстар бойынша ұсыныстарын айтып, ризашылықтарын білдірді.

Слайдқа сілтеме: https://cloud.mail.ru/public/6eJb/RPPAk8RKq