Тәжірибе алмасу семинары өтті

• 12 сәуір 2024
• Оқылған саны: 18067

2024 жылғы 12 сәуір күні Халел Өзбекғалиев атындағы Маңғыстау жоғары политехникалық колледжінде «Әдістеме: шеберлік, кәсібилік, біліктілік» тақырыбында облыстық семинар-практикум өтті. Білім беру ұйымындағы тәжірибелі оқытушылардың практикалық жұмысының үздік нәтижелерімен танысу және тәжірибе алмасу мақсатында өткен шараға 52 адам қатысты.

Аталмыш шара екі бөлімнен тұрды. Теориялық бөлімде колледждің тәжірибелі педагогтері төмендегі тақырыптарда:

Тугерова Галия Бердибаевна «Педагогикалық шеберлік: Тәжірибе, сапа, нәтиже»;

Құсайынова Ляззат Қожағұлқызы мен Абишева Маржан Сыдиыковна «Колледждегі жас педагогтер мен студенттерге арналған анықтамалық нұсқаулығын енгізу тәжірибесі»;

Юбасарова Гулзира Конысбаевна «Қолданбалы бакалавр мамандығына оқу жұмыс жоспарын әзірлеу» баяндама жасап, шебер сыныптар көрсетті.

Ал практикалық бөлімде:

Қазақ Хасан Сардарұлы «Ұлттық ойындар – ұлтымыздың құнды мұрасы»;

Джумагазиева Шара Каниевна «Қолданбалы бакалавр» біліктілігіне «Машина жасау технологиясы» мамандығы бойынша функционалдық карта әзірлеу»;

Казиева Майра Алибаевна, «Ақылды үй құрылғысын басқару»;

Жанұзақов Еламан Нұрланұлы «Startup – білімге бірінші қадам»;

Лукпанова Салтанат Аскатовна «Автокөліктің ілініс корзинасын шашып, бөлшектеуге арналған механикалық құрал (іскенже)» тақырыптарында воркшоп, шебер сыныптар көрсетілді.

Семинар-пркатикумға әр колледжден қатысқан әдіскерлер мен арнайы пән оқытушылары әр шараның маңыздылығын, өзектілігін, оқытушылардың кәсібилігі мен шеберлігін жоғары бағалап, өзара тәжірибе алмасу мүмкіндігін алғаны үшін өз алғыстарын білдірді.