Облыстық «Жаңашыл басшы» сырттай байқауы өтті.

• 14 желтоқсан 2021
• Оқылған саны: 4734

Білім берудің оқу-әдістемелік орталығының іс-шаралар жоспарына сәйкес, ағымдағы жылдың 14 желтоқсан күні Қазақстан Республикасы Тәуелсіздігінің 30 жылдығына орай қосымша білім беру ұйымдары директорлары арасында облыстық «Жаңашыл басшы» байқауы өткізілді.

Қосымша білім беру ұйымдарының шығармашылықпен жұмыс істейтін басшыларының қазіргі даму үрдістеріне сәйкес басқару тиімділігінде кәсіби дағдыларын анықтау, мектептен тыс ұйымдардың тәрбие үрдісін жетілдіру, тәрбие субъектілерінің құзырлылығын дамыту мақсатында өткен байқауға 10 директор қатысты.

Қатысушылар төмендегідей 4 бөлім бойынша өз жұмыстарын тапсырды:

І бөлім. «Өзін-өзі таныстыру»;

ІІ бөлім. «Балалар үшін қауіпсіз және жайлы жағдай» авторлық бағдарлама;

ІІІ бөлім. «Аула клубы және жазғы демалыс» эссе;

ІV бөлім. «Қазіргі жаңашыл басшы қандай болуы керек?» бейнеролик.

Байқау қорытындысында қазылар алқасы жеңімпаздарды анықтап, орталықтың арнайы дипломдарына ұсынды.

І орын – Г.Құлғали (Түпқараған ауданы, Мұрын жырау Сеңгірбекұлы ат.өнер мектебінің директоры);

ІІ орын – Ж.Қуатбаева (Маңғыстау ауданы, Балалар өнер мектебінің директоры);

ІІІ орын – Ә.Шонтыбаева (Бейнеу ауданы, Қ.Бақтыбайұлы ат. Бейнеу өнер мектебінің директоры)

Жеңімпаздарды жеңістерімен құттықтай отырып, барлық қатысушыларға алғыс білдіреміз!